Këshilli Kombëtar i Kontabilitetit shpall vend të lirë pune në pozicionin "Sekretar"

Detyrat dhe përgjegjësitë:

1. Ndihmon Kryetarin e KKK-së dhe Drejtorin Ekzekutiv në kryerjen e detyrave të tyre duke përgatitur materialet e kërkuara dhe ndjekur korrespondencën e tyre;
2. Përgatit organizimin e mbledhjeve të KKK-së;
3. Ndjek zbatimin e rregullores në procedurat e thirrjes dhe zhvillimit të mbledhjes;
4. Mban protokollin e mbledhjeve dhe bën zbardhjen e procesverbaleve të mbledhjes dhe të vendimeve përkatëse;
5. Organizon punën për ndjekjen e procedurave për përzgjedhjen, emërimin, apo plotësimin e dokumentacionit të strukturës administrative në KKK;
6. Përkthen të gjithë korrespondencën që vjen apo dërgohet në gjuhë të huaj;
7. Ka përgjegjësi në ndjekjen e inventarit dhe arkëtimeve nga shitja e materialeve që publikon KKK;
8. Mbikqyr dhe pasuron bibliotekën e KKK-së.
 
 
Kriteret e përzgjedhjes
 
1. Të ketë mbaruar së paku studimet e ciklit të lartë 2-vjecar;
2. Preferohet formimi në shkencat ekonomike, gjuhë të huaj ose IT;
3. Të ketë jo më pak se 3 (tre) vite eksperiencë pune të ngjashme;
4. Të ketë Dëshmi të një testi ndërkombëtar të provimit të gjuhës angleze; preferohet dhe një gjuhë e dytë e BE;
5. Të jetë i/e padënuar.
 
 
Të tjera të rëndësishme
 
- Afati i aplikimit është data 21 tetor 2020;
- Aplikanti paraqet një letër motivimi, CV-në dhe të gjithë dokumentet mbështetëse për plotësimin e kritereve të përzgjedhjes;
- Dokumentet sa më sipër, të skanuara, dërgohen në adresën elektronike kontabiliteti@kkk.gov.al ose dorëzohet një fotokopje e tyre në adresën postare të Këshillit Kombëtar të Kontabilitetit, Rr Reshit Çollaku, pranë ILDKPKI, Tiranë;
- Për saktësime të adresës kontaktoni në numrin 042 220 499; 
- Vetëm një listë e shkurtër e aplikantëve do të njoftohen për intervistën;
- Kontrata do të lidhet në mbështetje të kërkesave dhe kritereve të Kodit të Punës.