Shpallje për vend të lirë pune

Këshilli Kombëtar i Kontabilitetit shpall një vend vakant për pozicionin "Inspektor për Standardet Kombëtare të Kontabilitetit".

Detyrat dhe të drejtat
- Monitoron zbatimin në praktikë të SKK-ve dhe SNRF-ve;
- Evidenton problemet e hasura nga njësitë ekonomike në zbatim të standardeve dhe i raporton ato me shkrim;
- Asiston njësitë ekonomike përmes korespondencës së shkruar apo elektronike për problematika në lidhje me zbatimin e standardeve;
- Përkthen materiale që kanë të bëjnë me kontabilitetin dhe u'a vë në dispozicion anëtarëve të Këshillit Kombëtar të Kontabilitetit;
- Merr pjesë në trajnime të ndryshme, relevante për pozicionin që mban, brenda dhe jashtë vendit;

Kriteret e përzgjedhjes
1. Të ketë përfunduar studimet e ciklit të dytë të studimeve (Master Shkencor) në fushën e kontabilitetit / financës;
2. Të ketë notë mesatare të përgjithshme të këtyre studimeve jo më të ulët se 8 (tetë) dhe mesataren e lëndëve të specialitetit jo më të ulët se 9 (nëntë);
3. Të ketë jo më pak se 3 (tre) vite eksperiencë pune në fushën e kontabilitetit / financës;
4. Të ketë Dëshmi të provimit të gjuhës angleze;
5. Të njohë shumë mirë paketën Office;
6. Të ketë njohuri bazë mbi SKK-të dhe SNRF-të;
8. Të jetë i padënuar;
9. Mosha e kandidatit në momentin e aplikimit duhet të jetë nën 40 (dyzet) vjeç;
10. Preferohet të ketë fituar titullin profesional "Kontabël i miratuar";

Të tjera të rëndësishme
• Aplikimet pranohen deri më datë 30 Shtator 2019.
• Aplikimi përmban kërkesën, CV, një letër reference si dhe të gjitha dokumentet që provojnë plotësimin e kritereve të përzgjedhjes.
• Domumentet e skanuara dërgohen në adresën elektronike info@kkk.gov.al ose fotokopje të dokumenteve të kërkuar dorëzohen në adresën Rr "Reshit Çollaku", pranë ILDKPKI, Tiranë.
• Për çdo saktësim adrese mund të kontaktoni në numrin 042 220 499.
• Një listë e shkurtër të përzgjedhurish do të njoftohen për intervistën.
• Kontrata lidhet sipas kritereve të përcaktuara në Kodin e Punës dhe data e fillimit do të jetë data 3 Tetor 2019.

Jeni të mirëpritur!