Në datë 12 korrik 2019, në mjediset e Hotel Tirana International u zhvillua tryeza e rrumbullakët me temë "Rregullorja e inventarizimit të aktiveve dhe detyrimeve", organizuar nga Këshilli Kombëtar i Kontabilitetit me pjesëmarrjen e shumë profesionistëve që ushtrojnë profesionin e kontabilistit në njësi ekonomike apo si të licencuar si dhe të disa audituesve dhe akademikëve.

Në tryezë e morën fjalën shumë nga pjesëmarrësit dhe të gjitha diskutimet konverguan në pikën që rregullorja do të jetë një udhërrëfyes shumë i rëndësishëm për njësitë ekonomike meqenëse do të përmbledhë në parim procedurat e inventarizimit sipas objektit të inventarizimit si dhe do të përfshijë edhe disa formularë tip shumë të rëndësishëm për inventarizimin kryesisht të aktiveve afatgjata materiale.

Puna për hartimin e rregullores ka filluar. KKK në fund të vitit 2019, do ta publikojë këtë dokument në mënyrë që njësitë ekonomike të ndjekin udhëzimet e saj në përmbushjen e detyrimit të përcaktuar në nenin 15, pika 1, të ligjit 25/2018 "Për kontabilitetin dhe pasqyrat financiare".

Foto nga aktiviteti