Të nderuar profesionistë në fushën e kontabilitetit dhe auditimit,

Në datë 12 korrik 2019, në mjediset e Hotel Tirana do të zhvillohet tryeza e rrumbullakët me temë "Për rregulloren e inventarizimit të aktiveve dhe detyrimeve".

Në nenin 15 të Ligjit 25/2018 "Për kontabilitetin dhe pasqyrat financiare" në pikën 1 të tij, ngarkohet Këshilli Kombëtar i Kontabilitetit të hartojë rregulloren e inventarizimit të aktiveve dhe detyrimeve. Me qëllim gjithëpërfshirjen dhe transparencën në hartimin e dokumenteve dhe marrjen e vendimeve lidhur me kërkesat e kontabilitetit dhe raportimit financiar, KKK inicion këtë tryezë me pjesëmarrjen e shumë organizmave profesionalë, profesionistëve të praktikës që ushtrojnë këtë profesion pa aderuar në organizatat profesionale, shoqërive të mëdha auditimit, akademikëve, BMP dhe MFE.

Kjo tryezë do të pasohet edhe me tryeza të tjera, më të ngushta dhe më të orientuara në detaje sepse tryeza e datës 12 korrik më së shumti synon diskutimin në parim mbi formatin, linjat kryesore të përmbajtjes, shkallën e detajimit të kërkesave e të tjera çështje si këto.

Për përfundimet e tryezës do informojmë të interesuarit duke publikuar minutat e takimit.

 

Stafi i KKK-së 

042 220 499

info@kkk.gov.al